Ein árangursrík aðferð við að galdra til þín markmið og framtíðardrauma er að nota sjónmyndun. Þá notar þú hugann og ímyndunaraflið og reynir að sjá lokaárangurinn fyrir þér í eins mörgum smáatriðum og hægt er. Þú skapar í huganum það sem þú þráir í raunveruleikanum. Sjónmyndun eykur getu þína og trú á að þú náir að galdra til þín óskir þínar og drauma. Það sem þú getur ímyndað þér og séð fyrir þér getur þú öðlast í framtíðinni.

Þegar þú uppgötvar eða gerir þér grein fyrir því hversu góð áhrif það hefur á þitt daglega líf að kalla til þín framtíðardrauma og markmið, þá fyllist þú bjartsýni, von og trú á þig og lífið. Finnur aukna orku innra með þér til að skapa það líf sem þú óskar þér. Hér nærðu að sjá og átta þig betur á hversu margt hefur breyst á undanförnum vikum.

Næsta skref er svo að átta sig á því hvað hefur breyst í þínu lífi og hverju þú vilt breyta í framhaldi af því.

Þú ferð að sjá að þér eru allir vegir færir, lífið þitt færir þér aukna möguleika og þú ert orðin/orðinn mun hæfari í að velja það sem er ætlað þér.

en ekki það sem þú heldur að geri þér gott eða bæti líf þitt.